BINTANGOR: Pemidang ex-Sapit Chairman Parti Pesaka Bumiputera Bersatu (PBB) Pampang Meradong, Morsili Bakar diasai pengelenyau besai ba parti, lebih agi ba renggat pampang Meradong.
Sapit Menteri ba Opis Premier Sarawak (Pekara Korporat, Pemadah enggau UKAS) ke mega Kaban Kunsil Nengeri (ADUN) Semop, Datuk Abdullah Saidol madah, jasa sekumbang niang begulai enggau parti udah bendar nyaup ngenegap penuduk PBB ba sitak nya.
“Pemidang niang chukup ngenyinu ke ati aku laban iya udah lama begulai dalam Parti PBB Pampang Meradong.
"Tu siti pengelenyau besai ukai semina ngagai parti, tang ngagai semua peranak Meradong ke ngelala niang,” ku Datuk Abdullah lebuh dirandau maya ngesah penusah sida niang sebilik ba Rumah Helmi, Taman Bintang ditu, kena Hari Satu tu tadi.
Niang Morsili ti midang kena 4 Mei tu tadi, beumur 79 taun, dikeingat siku tuai ke ransing ngereja pengawa sereta besai jasa nyungkak pemujur parti enggau rayat menua nya.
Sapit Chairman SABERKAS Pampang N.46 Meradong ti mega anak niang, Helmi Morsili, Pemancha Rapen Anga, sereta Penghulu Hashim Abang Solhi sama bisi datai ngesah penusah nya.
Datuk Abdullah ngenataika penyinu ati iya ngagai sida niang sebilik ke ditinggang penusah ditinggalka orang ke disayau.
Kelimpah nya, iya mega berandau enggau Pemancha Rapen enggau Penghulu Hashim senentang langgur meri insentif ungkup nembiak ke udah nyulut bulih pemutus 5A ke atas ba peresa Sijil Pelajaran Malaysia (SPM) taun 2024.
Datuk Abdullah ngarap ke sida niang sebilik terus besampi, liat ati napi penguji besai ke bela diasai semua kaban PBB Meradong.
Sapit Menteri ba Opis Premier Sarawak (Pekara Korporat, Pemadah enggau UKAS) ke mega Kaban Kunsil Nengeri (ADUN) Semop, Datuk Abdullah Saidol madah, jasa sekumbang niang begulai enggau parti udah bendar nyaup ngenegap penuduk PBB ba sitak nya.
“Pemidang niang chukup ngenyinu ke ati aku laban iya udah lama begulai dalam Parti PBB Pampang Meradong.
"Tu siti pengelenyau besai ukai semina ngagai parti, tang ngagai semua peranak Meradong ke ngelala niang,” ku Datuk Abdullah lebuh dirandau maya ngesah penusah sida niang sebilik ba Rumah Helmi, Taman Bintang ditu, kena Hari Satu tu tadi.
Niang Morsili ti midang kena 4 Mei tu tadi, beumur 79 taun, dikeingat siku tuai ke ransing ngereja pengawa sereta besai jasa nyungkak pemujur parti enggau rayat menua nya.
Sapit Chairman SABERKAS Pampang N.46 Meradong ti mega anak niang, Helmi Morsili, Pemancha Rapen Anga, sereta Penghulu Hashim Abang Solhi sama bisi datai ngesah penusah nya.
Datuk Abdullah ngenataika penyinu ati iya ngagai sida niang sebilik ke ditinggang penusah ditinggalka orang ke disayau.
Kelimpah nya, iya mega berandau enggau Pemancha Rapen enggau Penghulu Hashim senentang langgur meri insentif ungkup nembiak ke udah nyulut bulih pemutus 5A ke atas ba peresa Sijil Pelajaran Malaysia (SPM) taun 2024.
Datuk Abdullah ngarap ke sida niang sebilik terus besampi, liat ati napi penguji besai ke bela diasai semua kaban PBB Meradong.